Сыре ды лавшо шумбрачи марто ломантненень максовиця лездамодо (эрзя)
Сыре ды лавшо шумбрачи марто ломантненень вельть пек эряви кадовомс кудосо, тонадозь малавикстнэнь ютксо. Теке шкасто ломантнень мельга якамось, конатненень эряви социальной ды медицинань кирдема, — те башка важодема, кона веши эрявикс содамочить ды свалшкань ванномга ютко шка. Чаунзань буесэ 2024-це иень панжиковто саезь важоди сыре ды лавшо шумбрачи ломантнень мельга кувать молиця шкань коряс лув. Кувать молиця шкань коряс мельга якамось – те сыре ды лавшо шумбрачи марто ломантненень эрявикс лезксэнь максомань вейс савтовиця лув, кона лезды ванстомс сынст шумбрачист, эрямост, ломантнень марто сюлмавоматнень, эрямонтень мелень явоманть.
Кувать молиця шкань коряс мельга якамонь лувось теи истямо мельга якамонть ютавицякс ды максовицякс кудосо, стационартнесэ весе иень ломантненень, кинь улить кардамот ды кинень орматнень, иетнень, томбавоматнень кувалт эряви ломанень пельде лезэ.
Кувать молиця шкань коряс мельга якамось максови Чаунзань буень эрицятненень, конатненень максозь васенце, омбоце ды колмоце мельга якамонь пиштемань сэресь. Эрицянть кувать молиця шкань коряс мельга якамонь лувс совавтомась топавтови кувать молиця шкань перть лувонть ютксо социальной обслуживаниядо договоронь кемекстамонть коряс.
Кувать шкань перть мельга якамонь социальной пакетэсь максови питневтеме. Бути тыненк эряви ванномань коряс лездыця, гайневтеде 883437-20016; 883437-20025.