«Россия» Раськень Куншкакурось (эрзя)
Васенце мероприятиякс, кона юты «Россия» Раськень Куншкакуросо, кона стявтови Владимир Путин Президентэнть кармавтомга, тееви «Создавая будущее» наукань ды фантастикань симпозиумось-невтемась. Симпозиумось юты сундерьковонь 4-це чистэ саезь 6-цес.
Симпозиумонь участникекс теевить содыйть ды ванныцят, футорологт, сёрмадейть-фантаст, кирдивиень органонь представительть. Сынь кортавтсызь кодамо кадовксос вети искусственной интеллектэнь срадомась, кодамокс карми сыця эрямонь цифрань государствась, мейсэ ашти коень питнечитнень улемась технологиянь прогрессэнть лувсо ды зярдо ломантненень мереви ушодомс лия планетатнень тонавтомась. Икеле Владимир Путин Президентэнть марто вастовомасо «Россия» невтемань важодицятне тердизь сонзэ мероприятияс.
«Россия» раськеютконь невтемасть-форумось Президентэнть Указонзо коряс ютавтовсь 2023-це иень сундерьковонь 4-це чистэ саезь 2024-це иень медьковонь 8-це чис. Вейке таркасо пурназельть масторонь прявт топодематне. Невтемань весе ютавтомань шканть перть инжетнень учость культурань мероприятият, тевень ды тонавтомань сюпав программа. Содавтыцятненень невтезельть Россиянь 89 региононь, федеральной прявт ведомствань, корпорациянь ды общественной вейсэндявксонь экспозициятне. 2024-це иень медьковонь 1-це чистэ Владимир Путин Президентэсь сёрмадстызе невтемань тевкадовксонь ванстомга ды масторонь топодематнень свалшкане невтемга «Россия» Раськень Куншкакуронь теемадо тевень максоманть.