Откерень марто вастовома (эрзя)
МР-нь «Масторонь ванстыцят» фондонь филиалось Кочкуровань буень «Энергетик» эйкакшонь шумбрачинь витемань лагерьсэ Россиянь воинской славань чинтень ютавтсь покшчи. Цёракштнень марто вастневсь специальной военной операциянь ветеранось Андрей Еремин. Военнослужащеесь боевой действиятнесэ ульнесь 2022-це иень даволковонь 24-це чистэ саезь наводчикекс ды танкань командирэкс. Топавтсь тюремань путовкст Харьковонь ёнкссо. Анокстась боеприпасонь ды ярсамопелень ускоманть, ульнесь Россиянь артиллериянь колоннатнень ванстомань ды лепштямонь тевтнесэ. Ольховка эрямонь таркань кирдемстэ Еремин младшей сержантонь танкась тапазель ятонть ёндо, а сонсь ушманось ранязель пелькссэ. Тень лангс апак вано, военнослужащеесь лездась ранявозь ялгатненень ды ливтинзе сынст тюремасто. Те подвигенть кис Андрей казезь Суворовонь медальсэ. Спецоперациянь ветеранось ёвтнесь цёракштненень фронтсо ялгатнень ютксо лездамодо, патриотизмадо ды эйкакшонь сёрматнеде, конат сыть солдаттнэнень ды офицертнэнень.
Андрей арсесь цёрынетненень улемс виевекс, апелицякс, вечкемс тиринь Масторонть ды а максомс лавшотнень покордамос. Вастовомась прядовсь пильгеоскасо налксемасо – откересь ульнесь каявкшныцякс ды ортасо аштицякс.