10-це февральста Саранск ошса ётай “Лыжня России” спортонь акциясь (мокша)
Примамс участия эсонза ули кода республикать эрь аймаксонза. Тяниень пингть сон ётафтови “Демография” национальнай проектть “Спорт – норма жизни” федеральнай программать видеса. Тя кизоня соксса арнематне ётайхть 42 и лемдевихть Ленинградть фашистскяй блокаданц марнек валхтоманцты 80 киза топодеманцты, а стане жа Семьянь кизоти. Республикань столицаса ушеткс максови соксонь-биатлононь центраса: Энгельсонь курось, 31-це кудсь адресть коряс. Васенда эряви ётамс регистрациять “Госуслуги” порталса. Сон мольфтеви 8-це февральти молемок. Стартовай номерхне максовихть спортонь комплекснай школаса Терешковань куроса, 24-це кудса. Справканди номерсь комсь ниле-кодгемонь кафкса – кафксоньгемонь кота. (8342) 24-68-86 Водительхненди эрявикс информация: 9-це февральста 16 частста сявомок 10-це февральти 15 частти молемок аш кода кармай ащемс юго-западса, а стане жа кирьфтьсазь транспорть Энгельсонь куроса Роза Люксембург вастста сявомок олимпийскяй резервонь спортонь школати молемок. Ули кода ётамс нят васттненди аварийнай и коммунальнай службань транспортти и автомобильхненди, конат эрявихть арнематнень организацияснонды.