“Демография” раськень теварсевксэсь (эрзя)
Республикасонок поладови сыре ломантнень эрямонь кастомань ды паролгавтомань “Старшее поколение” федеральной проектэнь “Демография” раськень теварсевксэсь, конань яволявтызе Президентэсь Владимир Путин. Сонзэ лувсо 2023-це иень ацамковсто прядовсь Краснослободскоень буесэ 150 сыре ломантнень туртов покш кудо-интернатонь стявтомась. Социальной учреждениясо теезь весемесь паро эрямонть ды реабилитациянть туртов. Кудосонть ули медицинань башка блок, ярсамонь тарка, спортонь ды ловномань нупальть. Те объектэнь стявтомань проектэсь нолдазель тевс истямо жо сядо ведьгемень ломаньс Ицялонь буесэ социальной учреждениянь стявтомантень, кона прядови 2024-це иестэ. Те кудо-интернатсонть карми неень шкань оборудования, кудонть перька паролгавтозь территория, истяжо республикань эрицятненень максовить важодемань сядо од таркат. Неень шкасто вачкицятне-путыцятне топавтыть отделкань тевтнень, объектэнть анокчись – 65 процентт.