Ленинград ошонть блокадасто олякстомантень (эрзя)
Нина Евгеньевна Карпунинанень мольсь нилеце ие, зярдо ушодовсь Ине Отечествань войнась. Кудораськест эрясь Ленинград ошонь Петроградонь буень Печатень кудонь Гатчинань куронь 10-це кудосо.Тетязо блокадань ушодомадо икеле, 1943-це иестэ Ленинрадонь ванстомга, тусь ополченецекс. Эйкакшонь ледстнемасо кадовсть коштсо апрядовиця талноматне. Гитлерэнь авиациясь правтсь ошонь весе ёнкстнэсэ бомбат промышленной объекттнэс ды эрямонь таркатнес. Ледстнясы, кода бомбань прамонь шкасто калавтозель кудост керш ёнксонь пельсэсь. Сынст квартираст ванстовсь. Ансяк а уштома, а тол, а канализация. Ды свалшкане кадовсь вачочинь марямось, веденть мартояк ульнесть стакачить.
Покштнэ бажасть, васняяк, андомс эйкакштнень, эсест паёкост максылизь Нинанень, а сынсь таргозекшнесть вачочиденть. Сырькаезэ ды покштязо кулость блокадань васенце телестэнть.
Секскак тундонь самонть марто Ленинградонь эрицятне уставасть ошонь умарьпиретнесэ ды кумботнесэ путомо эмежть, модамарь – кинь кодат муевсть видьметь. Ятонь перька аштемань каямодо кулянть Ленинградонь эрицятне маризь радиотрансляциясто.
Мордовияв Нина Евгеньевна сась изнямодо ламо иень ютазь, тейтерензэ мельга, кона лиссь мирденень минек ёнксонь эрицянтень. Кочкуровань буесь кармась сонзэ туртов алкукскак тиринсекс. Фашистэнь блокадань каямонь 80 иетнень топодемань чинтень, Кочкурбуень прявтось Светлана Герасимова казизе Нина Карпунинань ледстнемась шнамонь тешкссэ, конань те датантень кемекстызе Санкт-Петербургонь губернаторось.