Раськень теварсевкстнэ Рузаевкань буесэ (эрзя)
130 миллиондо ламо целковойть путозь «Красное сельцо» велень клубонь стявтомас. Рузаевкань буень «Красное сельцо» совхоз посёлкань культурань кудось стявтозель «Комплексное развитие сельских территорий» госпрограмманть вельде. Каладыця ташто кудось калавтозель. Эрицятне пшкадсть Республикань Прявтонтень шкинемань ды культурань шкань ютавтомань таркань пурнамодо энялдома марто. Региононь ветицясь прась ве мельс эрицятнень марто ды уш ютазь иень тундосто саезь «Стройэнергокомплект» ООО-сь ушодсть од кудонь стявтоманть. Посёлкань эрицятне лемдизь од кудонть культурань храмокс.
Ней тесэ клубонь вейксэ формированият, хореографиянь студия, ловномань кудо, музыкань ды артомань школат, 150 таркас ванномань нупаль. Мордовиянь Прявтось ваннынзе, кодат шкинемань туртов анокстазь таркат улить одкстомтозь клубсо.
Ванномсто тешкстазель, культурань кудонь стявтомань вейкине проектэнть лувсо одкстомтозельть эйкакшонь кужось ды 380 кудос Садовая курова ведень максомань линиясь.