Алтави масторонок идицятненень (эрзя)

Мордовия Республикань композиторонь Союзонь музыкань нупальсэ ютась «Пою моё Отечество» концерттнэнь-вастовоматнень циклань панжомась. Мероприятиятнень ютавтомантень лездасть Мордовия Республикань культурань, раськень политикань ды архивень тевень министерствась ды Мордовия Республикань композиторонь Вейсэндявксось. «Концерттнэ-вастовоматне алтазь Масторонок идицятненень ды специальной военной операциясо улицятненень. Сыця вастовоматне ютыть Мордовия Республикань буетнесэ», -тешкстызе Мордовия Республикань композиторонь Вейсэндявксонь прявтось Нина Кошелева.
Концертсэ эсест шкинемаст невтизь М.Е. Евсевьевень лемсэ Мордовиянь государственной педагогикань университетэнь, Саранонь Л.П. Кирюков лемсэ музыкань училищань шкинемань коллективтне ды «Гайгема» инструментальной ансамблясь.