Мошенникне поладсазь законть каршес ащи тевснон (мокша)
Синь арьсихть эрь кодама схемат, аньцек эряйхне аф фалу теесть повондыхть. Тяфта, лама гайкфнемада меле Кадошкина посёлкань 49 кизоса авась ашезе макса васькафтомс прянц и лядсь ярмаконзон мархта. Васенце гайфтемась — ломанть эзда, кона лемдезе прянц сотовай компаниянь струдникокс. Сон пачфтсь авати, што курок аделави сим-картанц покодемац. Меле гайфтсь бта государственнай услугань Единай порталста ломань. Стирсь азозе 49 кизоса авати, што мошенникне сувасть личнай кабинетозонза. Сяда тов гайфтсть ломаттне, конат лемдезь пряснон банкса и правоохранительнай оргатнень эса покодикс. Мекольцесь мянь гайфтсь видеосвязень пачк и ульсь полициянь сотрудниконь щамса. Меле содаф валхт: “Эряви кочкаф ярмакнень кучемс аф пельксонь счётс”. Эста авась тусь покодемань вастса банкоматти. Ушедсь кучсема ярмаконзон бта аф пельксонь счётс и марнек пингть корхтась телефонтть пачк мошенникнень мархта. Тя тевть няезе предприятиянь охранать оцюняц. Сяда тёжятть цалковаензон эзда авась кенерсь кучемс васькафнихненди аньцек 10 тёжят. Тясть кема аф содаф номерста гайфтихненди и тясть кучсе ярмаконцтень “аф пельксонь счётс”. Тяфтапт ашет!