«Владычной полкось» велявтсь од фестивальстэ! (ЭРЗЯ)
Те иестэнть «Владычный полк» Саранскоень исторической реконструкциянь клубось карми тешткстамо 16-во иеть. Ожоковонь 14-це чинть клубс совицятне ловить чачома чикс, самай сестэ и ушодовсь сонзэ эрямокизэ. Покш тевень ушодыцякс ульнесть весемезэ ниле ломанть, эрьва ие клубс совицятнень ламочись яла кайсь, ней тесэ комсь ломанть, конат пиить палыть эсь тевест кис. «Владычный полк» клубось ловови Россиянь военно-исторической клубтнэнь ютксо сех покшокс. Ансяк минек ёнксонь клубось эрьва фестивальсэнть невтить пурнавозтнень кодат ульнесть стрелецтнэ, пушкартне, казактне ды истяк эрицятне 17-це пингестэнть.Клубс совицятне секе тев невтить пряст эрьва кодамо пелькстамосо, фестивальсэ ды кенряксчисэ, конат ютавтовить кода Мордовиясо истя жо томбалеяк. Неть читнестэ «Владычный полк» клубось велявтсь «Военные летописи. Корельские рубежи» военно-исторической фестивальстэнть. Коень коряс зярыя иень перть Корела крепостенть вакссо пурнавить сядодо ламо реконструторт Россиясто, Белорусиясто ды Прибалтикасто. Дмитрий Фролов, «Владычный полк» клубонь прявтонь полавтыцясь кемевти, што истят фестивальтне лездыть седе парсте марямс Россиянть историянзо. Секскак сынь свал мелень саицят аволь ансяк ваныцятнень, но и эсест реконстуктортнэнь туртовгак, конат аволь «налксить» историясо, а бажить одс эрямс ютазь пингень тевтнень.