В. Долговонди мемориальнай доскать панжемац. (МОКША)
Мемориальнай доскать панжемста кочкафне лятфнесть содаф земляконьконь колга. Россиянь и Мордовиянь искусствань Заслуженнай деятельсь, Мордовиянь народнай артистсь, Мордовия Республикань Государственнай премиянь лауреатсь Владимир Долгов арась васенце главнай режиссёркс, кинь творческяй киц ушедсь и поладовсь шачема ширень театратнень эса. Владимир Долгов налхксь сцена лангса аф фкя кемонь классическяй и тяниень пингонь драматургиянь образ. Сон путсь сяда нильгемоньда лама эрь кодама произведеният сембе жанраса: драмат, операт, опереттат, мюзиклат, иттненди спектаклят. Смузю актёрть и содаф режиссёрть колга мялямсь эряй мала ломанензон, ялганзон, мархтонза покодихнень седиса. Пуромксса лама лямбе и цебярь валда кайгсь Владимир Долговонь лятфнемста. Ламоцне илас сашендсть панчф мархта. Владимир Долговонь пяк лама учениктонза, конат тянемс сяюконяйхть теенза. Владимир Долгов лама тись республикаса театральнай искусствать вииямаса. Мемориальнай доскать панжемац арась лятфнемакс сонь сатфксонзон колга.