Ураза-байрамось — мусульманонь покшчитнень эйстэ вейкесь. (ЭРЗЯ)
Рамаданонь прядомадо мейле уставить якамо раськень калмотнес, явшить ярсамопельть нужачинь кирдицятненень, вешить вейкест-вейкест пельде чумочинь нолдамо. Коень коряс 1000 церат Ураза-Байрамсто стить валске март оды молить мечетев. Зярдо гайги азанось, сон маряви эрьва косо. кезэрень евтавкстнэнь коряс самай те чистэнть Аллах максынзе Коранонь васень валморотнень Мухаммед пророконтень. Покшчинть марто республикань мусульмантнэнень поздоровт ёвтась Фагим-хазрат Шафиев. Кенярксчистэ Лямбирень райононь мечетьсэнть пек ламо ломанть. Пурнавсть кемицят аволь ансяк маласо велетнестэ, но и Мордовиянь прявтошстояк. Рамадан ковстонть мусульманинтнэ аволь ансяк кирдсть пост, но и бажасть теемс паро тевть. Мечетьсэ аватненень улемс а мереви. Зярс цёратне теить намаз, сынь анокстыть инжень вастомо. Тантей чине течи качады эрьва кудосо. Колмо чинь перть мусульманинтнэнень мереви кенярдомс, тантейстэ ярсамс, якамс вейкест-вейкест туртов инжекс, ледстнемс кулозетнень. Но сех прявтокс тевесь те шкастонть – лездамс нужачинь кирдицятненень. Рамаданось прядовсь, а паро тевтнень эряви поладомс!