Темников ошть илац. (МОКША)
Ошть кучкастонь площадьса ётась илать торжественнай панжемац. Райононь почетнай граждаттненди максть питни казнет. Лятфтазь и землякнень, конат шавовсть Великай Отечественнай войнань кизотнень. Илать аноклаенза азондозь районть и Темников ошть историянц, пачфтсть тячиень шинц колга. Пуромфненди «Владычный полк» историческяй клубу сувсихне няфтезь эсь маштомашиснон ляцендемаса кемзисемгоце веконь оружияста. Сценаса кштисть иттне эсь кядьса стаф щамса. Илас сафненди морамань асушиснон казендезь Темниковскяй райононь артисттне и Саранскяйста творческяй коллектифне. Кафта частта лама мольсть эрь кодама театрализованнай представлениятне. Сембось тя кепсезе ломаттнень мяльснон. Иласа тяфта жа работасть выставочнай площадкат. Эрь велесь шнафтсь пря пидефса-паньфса. Машты кядь ломаттне няфтезь эсь тифснон. Праздниксь удалась сембе ширде. Районть и ошть иласонза ваймамс ульсь кода и оцюфненди, и ёмлаттненди. Шабатненди аноклафтольхть эрь кодама аттракциотт, налхксемат и пялькстомат. Сяс праздниксь лядсь цебярь лятфнемакс сембонди.