Темникавса фестивальсь. (МОКША)

Фестивальть ушедомдонза инголе инжихне ульсть Санаксарскяй алянь монастырьса. Путомок панчфт святой праведнай воинть Феодор Ушаковонь калмонцты, делегациясь ванозе храмть и сюконясь святойхнень мощаснонды. Содафтомась флотоводецть мархта поладовсь Ушаковонь лемса краеведческяй музейга экскурсияса. Инжихне аф аньцек кулхцондсть адмиралть эряфонь кинц колга, но и няезь аф эсь лацонь экспонаттнень. Райононь эряйхне мяляфтыхть апак сяськф воинть колга и Военно-Морской Флотонь Шись тест пяк питни праздниксь. Фестивальть панжемац ётась Вячкишево эрьхкть маласа. Армияв серьгятьфнень тядяснонды-аляснонды максфтольхть республикань Оцюнять эзда благодарственнай сёрмат. Но инь лямбе валхне кайгсть морякнень лемс. Илас сафненди работасть тематическяй эрь кодама площадкат. А сембонь мяльснон кепсезе патриотическяй морось. Тя илась кочксесыне ломаттнень марса эрь кизоня. Оцю мяль вельде учихть эсонза райононь эряйхне. Фестивальть аноклаенза надияйхть васьфтемс и сай кизоть. Катк арьсефсь ули пяшкотьф.

Комментарии

Комментариев нет.

This blog is kept spam free by WP-SpamFree.

Главное сегодня