Те аволь экзамен эли пелькстамо – те цидярдома. (ЭРЗЯ)

Ютамс 12 вайгельбеть тува, кува кияк эзь яксе бронежилетсэ ды автомат марто. Чиемс противогазсо, уемс эрькень трокс, валгомс колмо этажонь кудонь стенава ды теде весемеденть мейле еще лисемс ринг лангс. Мезень кисэ? МР-ва Россиянь УФСИН-сэ ютасть краповой беретэнь кантнемань лангс Весероссиянь пелькстамотне.12 вайгельбень кувалмосо трассась анокстазь ды арсезь педе-пес. Ки лангсо учить засадат, куроксто ютамонь таркат ды ламодояк-ламо тевтопавтомат. Весе кинть перть роботы «психологической обработкань» башка группа. Марш-бросоконть пингстэ гайгить сезевемат, эряви ютамс качамонь ды толонь пачк. Краповой беретэнь кантнемань лангс цидярдомась – те аволь экзамен эли пелькстамо. Те ломаненть психологической ды физической ёнксонзо 7 часонь перть ванкшномась. Кияк боецтнэнь эйстэ а лови шка ды ютазь вайгельбеть. Сынь анокт цидярдомс весементь краповой беретэнь кантнеманть кисэ. Цидярдыть жо аволь весе, икелепелень ванкшномань коряс нолдазь 51 кандидат. Эрьва церанть лангсо малав 30 килограммт боевой снаряжения: автомат, каска, боеприпаст, бронежилет, сталмось аволь вишкинетнеде ды сонзэ марто эряви чиемс, ды кода седе эрязасто. Цидярдоманть пингстэ боецтнэ ютыть ламо эрьва кодат стакачить. Арсеманть коряс ятось ашти ламо этажонь кудонь квартирасо. Латонть прясто валгомсто колмоце этажсо боецентень эряви порксамс вальманть ды ертомс нупалентень граната. Теске жо се боецесь, кинь оружиязо максь осечка каяви дистанциястонть, секс мекс оружиясь улезэ свал анок бойс. Мишеньс леднемась сизезь боецтнэнь туртов максови пек стакасто. Эрьванть 6 патрононзо, штобу невтемс прянть сех виевекс. Седе тов задачась – 5 секундань перть маштомс ятонть ды теке марто а кандомс зыян заложникентень. Леднемадонть мельга эряви сеск теемс зярыя акробатической тевть. Мейле моли башка упражнениянь комплекс, конань топавтомсто а мереви вестькак манявомс. Цётамонь спарринтнес пачкодсть ансяк 7 спецназовецт, краповой беретэнть эйстэ сынст явсть 12 минутат. Тюрсь виень ды вейкень-вейкень апак вансто. Тюремань прядомадо командадонть мельга жо цератне кутморить ды ёвтыть вейкест вейкест туртов поздоровт. Цидярдомс весементь, ютамс парсте пелькстамонь эрьва этапонть. Вана 7 береттнэ учить эсест азорост. Минек земляконтень истяжо сатотсь краповой берет. Ней МР-ва Россиянь УФСИН-нь «Гепард» специальной назначениянь отделсэнть служить 15 сотрудникть, конат кантнить краповой берет.

Комментарии

Комментариев нет.

This blog is kept spam free by WP-SpamFree.

Главное сегодня