«Сугуваставунду» велень международнай фестивальсь (МОКША)
Республиказонк сашендсть инжихть Эстонияста, Финляндияста, Карелияста и Удмуртияста. Теест няфтьфоль аф аньцек мокшэрзянь культурась, но и кода эряйхть татаронь и рузонь велетне. Илась кочказень сембонь марса Мокшень Пишляв, коса оцю мяльса васьфтезь сафнень. Инжихне ванозь машты кядь ломаттнень тифснон, няезь кода аноклавихть тяльмотне и кштирдеви сюресь. Велень музейга экскурсиясь содафтозень сафнень ломаттнень эряфснон мархта. Кода най, пуромфнень каванязь национальнай ярхцамбяльса. Поладовсь фестивальсь концертса, коса Рузаевскяй райононь творческяй коллектифне и инжихне няфтезь эсь маштомашиснон. Кайгсть рузонь, мокшень, эстононь, финонь, карелонь и удмуртонь кяльса морот. Сембе марса кштисть национальнай эрь кодама кштимат. Няевсь илась удалась сембе ширде. Ломаттне содасть фкя-фкянь мархта, надияфтсть васедемс нинге.