Школатнес сыть од тонавтыцят! (ЭРЗЯ)

Республикань школатне 98% пештязь квалифицированной педагогической кадрасо. Меельце колмо иетнень перть, кода тешкстась МР-нь образованиянь министрась Евгений Маркачев, школатнес састь ламо од педагогт. Течинь чинтень 15% тонавтыцятнень эйстэ важодемань стажост 5 иеде седе аламо. Ламосо тенень лездыть роботамонь васень 5 иетнень перть башка пандоматне. Од специалистнэнь ютксо седе ламотне ушодкс классонь, физкультурань, омбо масторонь келень, математикань ды информатикань тонавтыцят. Седе аламо – физикань, биологиянь ды географиянь. Ламо од ломантне бажить роботамс Саранск ошсо, тесэ вейке вакансиянтень савить 3-4 ломанть. Тонавтыця лементь кастомантень лездась еще и се тевесь, што меельце 5 иетнень перть зарплатась школатнесэ кайсь малав колмоксть. Течи Мордовиясо тонавтыцянь средней зарплатась 22 тежат 500 целковойть. Седе товгак зарплатась карми кастовомо. Республикасонть ванстовить и пандоматне сеть тонавтыцятнень туртов, конат анокстасть олимпиадасо изницят.