Шестёркинтнэнь кудораськентень — 42 иеть! (ЭРЗЯ)
Александр Иванович ды Нина Ивановна Шестёркинтнэ фотографиятнень ванкшныть аволь сеедьстэ. Видькстыть, ютко шкаст аволь пек ламо, свал тевсэть. Ды вана ней, Миша сех вишка нуцьканть ванномга, сынь таргизь фотоальбомост, вишиненть туртов невтнить мельстуиця снимкатнень, конат ледстнить од шкадост, седе, кода 42 иеде теде икеле васенцеде вастовсть сы шкань мирдтне-нитне. Вечкемань налось ютковаст ютась сеске. Аламо шкань ютазь сынь урьваксть. Покш кенярксокс кармась улеме васенце, а мейле омбоце ды колмоце эйкакштнэнь чачомаст. Ламо вийть явсть сынст трямонтень. Ней мельспаросо лездыть нуцькатнень кастомантень. Эрямось невти, эйкакштнэ кайсть тиринь масторонь вечкицякс, тиринь келень содыцякс, чевте седей, паронь арсиця ломанекс, сынст кис тетятне – аватне аштить покш каштанчисэ. Каштанчисэ Шестёркинтнэ нуцькаст кискак. Эрьванть эйстэст уш улить редявикс цетавксост. Важодемань вечкемантень сынь тонавтызь весень. Ютко шкасто эйкакштнэ свал бажить тетяст-аваст туртов: содавтомс, лездамс мейсэ-эряви. Кудо вакссо улиця пиренть коряс неяви, тевтне тесэ сатыть весенень.
Евтама, кудосонть свал ламо ломантть, эйдень вайгельть ды кенярдомат. Теньсэ, ловить Шестеркинтнэ, алкуксонь уцяскась.
Истямо лувонь кирдезь, 15 ломаньстэ кудораськесь, кода карминек содамо, курок карми еще вейке нуцька, эри ламо иень перть. Паро мельсэ ваныцянок туртов сынь арсить шумбрачи ды вечкема.