Республикасонок ушодови «Шумбрат, Мордовия!» фестивалесь – пелькстамось. (ЭРЗЯ)

Эрьва иень «Шумбрат, Мордовия!» фестивалесь-пелькстамось республикасонок юты кавто ковонь перть. Сонзэ ютавтыцятне – МР-нь культурань, туризмань министерствась ды республикань раськень шкинемань кудось. Те разнэ сонзэ темакс кармась кинонь иесь. Кода свалгак истямо пелькстамосо стака аволь ансяк морыцятненень-седицятненень, стака жюринтеньгак. Гала-концертс пурнавить ансяк виев морыцятне ды седицятне. Кода кемевтимизь республикань раськень шкинемань кудосо, те иестэяк фестиваленть вельде лангс ливтевить од лемть.
Ваныцятне ды жюрись марясызь ды несызь ансяк ушодыцятнень ды содавикс лем марто морыцятнень ды налксицятнень: солистнэнь, ансамблятнень. Фестивальсэнть кармить гайгеме мелодият, морот, конат сюлмазь Россиянь кинематографиянть марто. Те иень башкачикс карми раськень ярсамопелень невтемась, конанень питне карми максомо экспертной советэсь.
Лецтясынек весе ваныцянок туртов, фестивалесь-пелькстамось ушодови ожоковонь 22 чистэ 13-во чассо Республиканской культурань кудосо. Сех вадря номерэст невтьсызь Дубёнкань ды Лямбирень районтнэ.

Комментарии

Комментариев нет.

This blog is kept spam free by WP-SpamFree.

Главное сегодня