Рав кужонь финнэнь-угрань раськень культурань куронтень 10 иеть! (ЭРЗЯ)
Наукань, культурань, кельтнень, финнэнь-угрань раськень койтнень вельмевтемась ды ванстомась, регионсонок раськетнень ютксо ояксчинь сюлмавоматнень кемекстамось! Неть лувтнэнь 10 иень перть кеместэ кирди Рав кужонь финнэнь-угрань раськень культурань курось, кона течи тешксты юбилеензэ. Важодемань цётавкстнэнь ютксо — республикань ды раськеютконь мероприятият, мельстуиця проектт, конат кеместэ совасть эрямозонок, «Финнэнь-угрань кулялопань» нолдамось. Учови раськень тонавтомань стакачинь кардамонь лабораториянь панжома, конань лувсо арсеви анокстамс тиринь кельсэ дидактической материалт, эйкакштнэнь туртов тонавтомань налксемат ды ламо мезе лия. Рав кужонь финнэнь-угрань раськень культурань куронь важодицятне путыть ламо вийть ды покш бажамо вечкевикс тевест топавтомга. Юбилеень келейстэ тешкстамось учови ожоковонь 12-це чистэ.