Раськень виесь – сонзэ ундокстнэсэ! (ЭРЗЯ)

«Родословная как фактор патриотического воспитания» лем ало проектэсь арсеви топавтомс Россиянь малав весе регионтнэсэ. Сонзэ авторось — Мордовиясо чачозесь Илья Радов путы ламо вийть раськетнень эрямопингеде ледстнематнень ванстомантень. Раськень-буень эрямопингесь – кода масторсонок эриця раськетнень культурань башкачитнень ванстомань лисьмапря! Илья Радов краеведэсь яви покш мель этноистоорической даннойтнень коряс ванкшноматненень, кельтнень, койтнень, раськень ундокстнэнь тонавтнемантень. Эсензэ важодематнесэ, сон яви покш мель краеведениянь вейсэндявкстнэнь церькова марто кеме сюлмавомантень. Неень шкане пек эрявиксэкс ловови приходонь метрической книгатнень тонавтнемась. Содазь, сынст эйсэ ванстовить раськеде историянь лия ёнов а молиця содамочить. Течинь чис ютавтозь ламо вастовомат, промкст, конференцият, конатнесэ кортневи проектэнть лезэвчиде ды эрявиксчиде. Весемесь жо ушодовсь кудораськень эрямопингень ванкшномасто. Ванстомс Россиянь велетнень, тердемс истямо тевтопавтомантень седеяк ламо од ломанть -истят путовкст аравты икелензэ проектэнь авторось. Неень шкане сон важоди минек региононть коряс. Кемтяно, краеведэнть арсемазо кирдеви, ды маласо шкасто проектэсь сови эрямозонок.

Комментарии

Комментариев нет.

This blog is kept spam free by WP-SpamFree.

Главное сегодня