Раськень каштанчинек – И.Д. Воронин! (ЭРЗЯ)

Таштамковонь 16-це чистэ топодевель бу 111 ие содавикс краеведэнтэнь, профессоронтень, учёноентень-литературоведэнтэнь, писателентень, общественной деятелентень Иван Дмитриевич Воронинэнь. Сон чачсь Саранскойсэ, тонавтнесь приходской васенце номер колмо классонь училищасонть, мейле Рижской гимназиянь омбоце ступенень школасонть. Кавто иень перть служась Якстере армиясо. 1938-це иестэ важодсь административной ды комсомольской тевтнень коряс Оренбургсо ды Мордовиясо. Теке шкане шкадо икеле прядызе МГПИ-нь литературной факультетэнть, теске жо и кадовсь важодеме рузонь келень ды литературань кафедрантень, косо ловнось лекцият. Тёжа вейксэсядт ведьгемень васенце иестэ ульнесь ладязь писателень союзонь прявтокс. Мерема, Воронинтнэнь кудораськесэ свал явовсь мель наукантень, ули кинь эйсэ шнамс пря, семиясонть ниле наукань докторт, наукань 3 кандидатт. Наталья Ивановна, тейтерезэ, тешксты, што эйкакш порасто саезь тетяст тонавтсь сынст вечкемс книганть, ломантнень ды науканть. Краеведениянь музейсэнть конась кантни Воронинэнь лементь панжовсь выставка, тесэ невтезь Иван Дмитриечень научной важодевксэнзэ, фотографиянзо ды ламо мезе лия. Иван Дмитриевич сёрмадсь кемнилее книгат, малав колмосядт очеркт ды статьят. Сонзэ лемесь сырнень буквасо сёрмадозь минек историянтень.

Комментарии

Комментариев нет.

This blog is kept spam free by WP-SpamFree.