Од книгань презентация! (ЭРЗЯ)

Мордовиянь пресс-центрасо ютась кавто книгань презентация. Сынь лиссть «Гармонизация межнациональных и межконфессиональных отношений в Республике Мордовия на 2014 — 2020 годы» государственной программань топавтоманть лувсо. «Мордовия многонациональная» мазыйстэ артозь книгась ёвтни минек регионсо эриця 56 раськень койде-кирдадо. Истяжо изданиясонть максови информация весе 119 раськетнеде, конат сёрмадстозь Мордовиясо. «Те книгась пек эрявикс политической инструмент, конась лезды ванстомс раськетнень ютксо ояксчисэ эрямонть!» — мерсь МР-нь национальной политикань коряс министрась Анатолий Чушкин. Книганть анокстызь Мордовиянь национальной политикань коряс министерствась ды МР-нь правительствань пингстэ гуманитарной наукань НИИ-сь национальностень тевтнень коряс Федеральной агенстванть лезксэнзэ вельде. Те изданиянть лангсо роботамонть вельде Мордовиясо васенцеде ульнесть сёрмадозь роботат татартнэнь, Кавказонь ды Средней Азиянь раськетнень этнографиянь коряс. Омбоце изданиясь — «Социальный портрет татар Республики Мордовия». Те социологиянь ванкшномань, конась ютавтозель 2015-це иестэ, цётамо.

Комментарии

Комментариев нет.

This blog is kept spam free by WP-SpamFree.

Главное сегодня