Мордовиясь вейсэнди «Географиянь диктант» акциянтень. (ЭРЗЯ)

Мордовиянь эрицятне варчасызь виест Россиянь географиянть содамонзо коряс. Сундерьковонь 20-це чистэ минек масторсо юты Весероссиянь геграфиянь диктант. Мордовиясо мероприятиянть ютавтыцякс карми Огарев лемсэ университетэсь ды «Рузонь географиянь вейсэндявкс» Весероссиянь общественной организациянь региональной отделениясь. Мероприятиясь юты университетэнь 4-це номер корпуссонть. Ломантнень регистрациясь ушодови 11 чассо 15 минутасо. Диктантонть кармить сермадомо 12 чассто 15 минутасто саезь 13 часос. кода пачтить акциянь ютавтыцятне – сонзэ ютавтомань прявт принциптнень эйстэ вейкесь лемтемечись. Бланктнэс эсеть мелеть коряс мереви сермадомс эсеть эли арсезь лем. Эрьва участникентень максови башка номер, конань коряс ацамковонь 10-це чистэ мереви ваномс эсеть цетамот. Весероссиянь ванкшномань цетамотнеде мельга географиянь коряс образовательной программантень кармить совавтозь полавтовомат. Ледстясынек, ютазь иестэ минек ёнкссо диктант сермадсть 500-до ламо ломанть. Сестэ ульнесть тешкстазь паро содамочить.

Комментарии

Комментариев нет.

This blog is kept spam free by WP-SpamFree.