Мордовиянь композиторонь вейсэндявксось ютавтсь мельстуиця вастовома. (ЭРЗЯ)
Вастовомас сыцятнень эйстэ сеть, кить эрямост алтызь искусствантень. Те — наукасо, культурасо важодицят, тонавтыцят, журналистт, конат эсест важодемасо свалшкане сёрмадсть, тейнесть передачат республикасонок ютавтовиця культурань покшчитнеде. Музыкань нупальсэнть истят вастовоматнень арсить ютавтнемс свал. Икелень шкатнестэ композиторонь вейсэндявксонть арасель таркаст, ней те мазый залсонть вейсэндявксонь важодицятне свал анокт вастомс инжетнень. Лембе валт пурнавозтнень туртов ёвтасть музыкальной театрань артисттнэ ды педагогической институтонь важодицятне ды тонавтницятне. Вастовоманть эйстэ паро мельсэ кадовсть кода морыцятне, истя кунсолыцятнеяк. Кемтяно, истямо ушодксось тееви паро коекс, а те нупальсэнть свал карми гайгеме музыка!