Мордовиянь архивень службась аноксты лия ёнов а молиця выставка (ЭРЗЯ)
Неть читнестэ республикань архивень службань ды архивень важодицятне топавтыть домка важодема. «Панжик эсеть туртов Мордовиянть» культурно-патриотической проектэнть лувсо васенцеде анокстыть покш невтема: «История Мордовии в событиях: вчера, сегодня, завтра». Учови, карми сон пурназь 6 пельксстэ. Мордовиянь весе районтнэнь эрицятненень анокстави сюпав материал чачома масторонок ванстыцятнеде, содавикс ломантнеде, республиканок эрямосо покш событиятнеде. Лия ёнов а молиця документэнь копият пурназь региононок касомадо-кепетемадо разделсэ. Те – 1934-це иестэ Мордовской Автономной Советской Социалистической Республикань кемекстазь гербесь ды флагось. Васенцеде экспонатнэнь ютксо кармить невтевеме личной документт, конат кучозельть архивс меельце шкастонть. Содавтомс эрицятнень архивень мельстуиця документнэнь марто, тердемс те тевентень райононь архивень важодицятнень, ледстямс региононок ломантненень республикань касомань эрямопингензэ! Истямо лувонь кирдезь невтемань анокстыцятне арсить важодемс маласо ковстонть. Учови, выставкась карми важодеме умарьковонь 13-це чистэ саезь.