Михаил Девятаевень 100 иетненень. (ЭРЗЯ)
Советской Союзонь Героенть Михаил Девятавень 100 иетненень Мордовиясо арсезь зярыя мероприятият. Вейкесь уш ушодовсь. Саранск ошсо юты сочинениянь муниципальной пелькстамо. Васняяк тонавтницятненень невтезель «Догнать и уничтожить. Побег летчика Девятаева» кинофильмась. Сонзэ коряс эйкакштненень и эрявияк сермадомс эсь мелест-арсемаст те ине ломанденть ды сонзэ подвигтензэ. Пелькстамонь цетамотне кармить яволявтозь даволковсто. Теде башка, И. Воронин лемсэ краеведениянь музеесь арсесь «Саранск-Торбеево» экскурсионной маршрут. Сонзэ кувалмозо 153 вайгельбеть ды пачти сон Торбеевав, косо ашти героенть кудось-музеесь. Музеенть вакссо ули Девятаевнень кеврунго, Торбеево поселкас совамо таркасонть ашти МиГ-17 самолетонь памятникесь-реалиясь. Неень шкане музейсэнть ванстовить 4000 единицат материал. Те сермат, фотографият, документт, наградат. Ледстясынек, 2017-це иесь Мордовиясо юты Михаил Девятаевень лементь ало, 100 иетне кармить тешкставомо медьковонь 8-це чистэ.