Кружувань кодамонь мастер-класст (ЭРЗЯ)
Темниковань ды Теньгушевань райононь кезэрень оршамопельтне мазылгавтозельть кружувань элементсэ. Саемга сарафанонть ланга оршакшность кружувасо мазылгавтозь икельга пацят. Темниковань ёнкссо кружуватне оршамопельс совавтовсть комсеце пингень ушодовомсто саезь. А васенце мастерскойсэнть, кона панжозель те промысланть коряс, роботасть васня комсь, а шкань ютазь 140 мастерицат. Кие течи тонавты те тевентень? Теде седе тов репортажсонть. Кувака шкань перть кружувань кодамось ульнесь пек чуросто васневиця тевекс. Мастерицат, конат явильть тенень сатышка мель арасельть. Кружувань кодамось – ламо шкань вешиця тев, конань топавтомас эрявить ламо кедьёнкст: коклюшкат, тодовонь кондямо валик, кона пештязь коське тикшесэ, сялгомат, суреть ды ламо мезе лия. Полавтовсть аволь ансяк тюсстнэ. Лиякстомсть суретнеяк. Ней тевс нолдави синтетикась, вастневить понань сурестэ кодазь кружуваткак. Национальной культурань институтсо студентнэнь тонавтыть аволь ансяк кодамо. Тонавтыть эйсэст васняяк тееме схематнень-сколкатнень, конатнень ланга кодыть. Сессиянть перть тонавтницятне теить аволь покш робота. Тонавтнемань прядомадо мейле тейтертне кармить роботамо художественной школасо, ветить кружокт эйкакшонь кужотнесэ. Ули кужине институтсояк. Тонавтнемс тенень можна эрьва кодамо иесэ.