Кочкуровань ёнксонь Вирь ало Тавласо ютасть амарицятнень ютксо раськень ветеце налксематне. (ЭРЗЯ)

Истят вастовоматне — ещё весть кемевтить, кода маштыть неть ломантне ояксчисэ эрямо. Этно-кудонть вакссо куросонть рана валске «Тюштя» финнэнь-угрань налксемань вельмевтемань куронь ветицясь Павел Мигунов анокстась раськень пелькстамотненень. Те куронть Павел Валерьевич вети умок. А налксематнень марто ардтнизе нучк-пачк весе Мордовиянть. Сон сеедьстэнь инже лия регионтнэсэ, косо эрить эрзятне, мокшотне. Улить лездыцянзо, конат ветить Саранскоень спортонь кудотнесэ тюремань кружокт. Эряви меремс, Саранск ошонь амарицянь курос совицятне сеедьстэнь инжеть лия регионтнэсэ ютавтовиця спартакиадатнесэ. Чита ошсонь инжетне редизь минек ёнксонь мазычинть, сынь тешкстызь, што истямо мелень саиця покшчисэ сынь васенцеде. «Тюштянь налксематне» пек ладить истямо ормасо сэредиця ломантненень. Тесэ прявт путовксокс ашти аволь изнямс, а ютавтомс шканть оймсезь. Мейсэ те направлениясь явовияк спортонть эйстэ. Кескавсо «тюштянь» тюрема, налчирькесэ леднема, шочконь кепедема, узерень, пеелень ёртнема — весе те пек вечкевсь инжетненень, конат сакшность Казань, Самара, Москов, Рязань ды Чита оштнэстэ.