Капшадо теевтемс гриппте прививкат! (ЭРЗЯ)

МР-нь пресс-центрасо ютась вастовома, косо МР-ва Роспотребнадзоронь Управлениянь прявтось Татьяна Харитонова ды МР-нь Минздравонь прявт педиатрань тевень топавтыцясь Наталья Юдина ёвтнесть журналистнэнень регионсонок эпидемиологиянь тевтнеде. Меельце таргонть перть пек ламо ломанть ормалгадсть ОРВИ ормасонть, седе ламотне эйстэст эйкакшт, конат тонавтнить ушодкс ды средней класстнэсэ. Татьяна Харитонова пшкадсь республикань эрицятненень апак пеле теевтемс гриппте прививкат. Молиця иестэнть сынст арсеви путомс весе эрицятнень эйстэ 40%, лиякс меремс, те 325 тежат ломанть, сынст ютксто 75 тежатне – эйкакшт. Вакцинань васенце партиясь, покштнэнь туртов 90 тежат дозатнень эйстэ путовтозь 97%, эйкакштнэнь туртов вакцинань 22 тежат дозатнень эйстэ путовтозь 76%. Ней Мордовиянь медучреждениятнесэ учить вакцинань од партиянть, кона рамави федеральной ды региональной бюджетэнь ярмактнень лангс. Ледстясынек, питневтеме прививкат путовить сеть ломантненень, конат совить рискень группантень. Те 6 ковсто саезь эйкакштне, 1-11 классо тонавтницятне, вузонь ды ссузонь студетнэ, медицинской ды образовательной учреждениясо важодицятне, 60 иеде сыре ломантне, пешксесэ аватне ды зярыя лия категорият. Пресс-конференциянть ютавтомсто пшкадезель роботань максыйтненень эсь вийсэ вакцинациянь ютавтомадо. Течинь чинтень Мордовиясо роботань максыцянь ярмак лангс прививкат путозь ансяк 1000 ломаннень.

Комментарии

Комментариев нет.

This blog is kept spam free by WP-SpamFree.