Химки ошсо ютась «Шумбрат, Подмосковье!» I фестивалесь (ЭРЗЯ)
Раськетнень ютксо чарькодема, ояксчи, вейсэнь важодема- неть лувтнэ масторонок ветямонь топавкстнэсэ аштить прявтнэнь ютксто. Москов ёнкссо, косо эрить 100до ламо этност, мигрантнэнь самост марто те кевкстемась кармась улеме актуальнойкс. Культурань сюлмавоматнень кемекстамось, вейсэнь программань анокстамо ды тевс нолдамо, вейсэнь экономикань кастомга паро условиянь теема! Мордовиясто делегацияс совицятне тешкстасть, регионтнэнь ютксо вейсэнь важодемась уш ветяви. Ансяк тедиде республиканок ВУЗтнэс састь тонавтнеме малав 1000 од ломанть Россиянь ламо ужинетнестэ, сынст ютксо Москов ёнксстояк. Эрзянь, мокшонь раськень культуранть марто сынь содавтовить тонавтнемань перть, а вана «Шумбрат, Подмосковье!» фестивальс пурнавозтне уш кармасть улеме раськенек покшчинь участникекс. Ламо раськень колорит марто фестивалесь уш совась эрямопингес! Васенцеде покшчисэнть весе инжетне вейсэндясть вейке кужос! 602 метрат, 584 участникть, 22 раськеть! Россиясо путозь од рекорд! Раськень декоративно-прикладной шкинема марто содавтома, литературань выставка, Россиянь ламо регионсто коллективтнень ёрокчист невтема- весемесь вейсэ теизе покшчинть седеяк мельстуицякс. Ёвтама, покш путовксозо фестиваленть ютавтомасо эрзя-мокшонь раськень регионъютконь общественной вейсэндявксонть.