Г.М. Измалкинонди лемтьф ила. (МОКША)
Военнай и трудовой подвигонь мемориальнай музейса мзярдонга аф юкснихть республикань содаф ломаттнень колга. Вов и Геннадий Измалкинонь шачема шистонза вейхксогемонь кизонь топодемати аноклафоль выставка и лятфнемань ила. Кочксевсть раднянза, сят, кие мяляфтсы Геннадий Михайловичень и студенттне. Геннадий Измалкин, кода партийнай работник, лама тись образованиять, здравоохранениять, наукать и культурать виияфтомаса. Сон старандась лездомсь сембонди, кие сашендсь теенза эняльдема мархта. Тяфтамкс Геннадий Михайлович лядсь стиренц мялямса. Пуромксса войнань участникть и партийнай работникть колга од ломаттненди азондсть сят, кие лац содазе Геннадий Измалкинонь. Сонь работанц, сатфксонзон квалма лятфнесть мархтонза покодихне. Студенттне оцю мяльса кулхцондсть эсь землякснон колга. Пяк цебярь, што республикасонк аф юксневихть сят, кие лама тись шачема мастороньконь виияманцты. Илатнень, выставкатнень вельде колгаст лятфнемась кармай эряма ломаттнень мялямса.