«Эрзянь Правдантень» – 95!(ЭРЗЯ)

Газетань зярс аволь покш невтевксэнть коряс редяви, зяро мельстуиця вастовомат, содавиксэкс тейнемат ульнесть ансяк меельце иетнень перть! Весемесь те — кулялопань эрямопинге, конань ушодксозо вети ютазь пингень 21-це иес. Самай сестэ Московсо лиссь «Якстере теште» э\м васенце газетась. Ламо шкань перть, чарькодеви, кода эрямосонтькак, нолдавкссонть ютасть ламо полавтомат. Саемга, меельце иетнестэ полавтовсь материально-технической базась, паролгадсь полиграфиясь, лиякстомсь форматось. Сеедьстэ газетась лисни изницякс эрьва-кодамо фестивальсэ, пелькстамосо. Редакциянь прявтось Николай Петрушкин тешксты, маласо шкасто ловныцятнень туртов арсеви од топавтома. Од арсематнень, мельтнень эрямос топавтомо, содазь, лезды кеме ды виев коллективесь. Меельце иетнестэ редакцияв важодеме састь ламо од ломанть. Свал вешнемасо, эсь тевень содазь ды вечкезь кулялопань ветерантнэнь марто вейсэ анокстыть тиринь газетаст. Сёрмадомань тевсэ лезксэнь максомо свал анок Татьяна Ковалёва. З2 иеть эрзявась ушодокшнызе редакциясо важодеманзо. Пётр Зиновьев «Эрзянь правда» газетань спец. Корреспондентэсь свал каштанчисэ корты вечкевикс кулялопадонть, редакциясо важодемадонть. Лови, эрямосонзо кочкизе виде кинть. Неень шкане «Эрзянь правда» газетань тиражось -3350 экземплярт. Сермадстыцянзо ютксо –кода региононок, истя и диаспорасто ловныцят. Секскак редакциясь а лоткси топавозенть лангсо. Икеле — ламо арсемат, путовкст ды изнявкст!

Комментарии

Комментариев нет.

This blog is kept spam free by WP-SpamFree.

Главное сегодня