Яволявтозь од пелькстамо (эрзя)
Медьковонь 25-це чистэ культурань инициативань Президентэнь фондось ушодызе 2025-це иень культурасо, искусствасо ды шкинемань индустриясо теварсевкстнэнь кирдемга грантонь пелькстамонь яволявтомань васенце кампаниянть. Грантс яволявтоматнень мереви кучомс таштамковонь 10 чис сайтсэ.
Эсест шкинемань теварсевксэст пелькстамос мереви яволявтомс аволь государствань НКО-нень, коммерческой ды муниципальной организациятненень ды индивидуальной предпринимательтненень. Грантонь пелькстамонь вейсэнь покшолмась – 7 миллиардт целковойть. Яволявтомань ушодомантень медьковонь 25-це чистэ ютась вебинар, ютавтызе сонзэ ПФКИ-нь генеральной прявтось Роман Карманов. Видеолекциясонть – яволявтомань теемань домкачитнеде, пелькстамосо полавтоматнеде, яволявтыцятнень сеедьстэнь ильведевкстнэде. Фондонь официальной сайтсэнть уш сёрмадозь положениясь, косо тешкстазь теварсевкстнэнь финансонь од китне – 2025-це иень грантонь васенце пелькстамонть эйстэ полавтови ярмаконь покшолмась, конатнес пелькстыть шкинемань командатне категориятнень эйстэ эрьвасонть. Ней сынь истят: 700 тёжат целковойс, 700 тёжат целковойть – 7 миллионт, 7 миллионт целковойть – 20 миллионт целковойть, 20 миллиондо целковойде ламо.
«Грантонь вешицятнень вешематнень ваннозь, минь сынек мельс кастомс ярмаконь покшолманть. Минь арсетяно, истят полавтоматне лездыть шаштомс теарсевкстнэнь топавтомас седе ламотненень, арсемс командань участниктнень важодеманть кис пандоманть, лезды келейгавтомс теварсевкстнэнь географиянть. Яволявтоматнень учотано таштамковонь 10-це чис, бути тынк ули шкинемань теварсевксэнь мель, учотано тынк пелькстамосо. Яволявтыцятнень туртов анокстазь тонавтомань программат», — кортавтызе грантонь пелькстамонь яволявтомань ушодоманть ПФКИ-нь генеральной прявтось Роман Карманов.
Пелькстамос теварсевкстнэ кучовить темань вейксэ номинациятнева. Яволявтомань анокстамос медиаматериалтнэ путозь Фондонь социальной сеттнесэ «В Контакте» ды RuTube аккаунтсо. Формань ды теварсевексэнь максомадо икеле паро мельсэ ёвтави содавтовомс тевконёвтнень марто, конат путозь сайтсэ: методикань материалтнэнь, чек-лопанть, пелькстамодо одкстомтозь положениядо. Истяжо прявт таркасо – кунсоломс «Короче, гранты» видеолекциянь молеманть ды яволявтыцятнень туртов аудиоподкастонь сериянть.