«Велень вайгяльхть» фестивальсь (мокша)
Республикать келес ётафневихть эрь кодама мялень салай илат. Синь вельдест ванфневихть сире моротне, койхне-обуцятне. Пяк пара, сембе мероприятиятне и «Велень вайгяльхть» фестивальсь пуропневихть Семьяти лемтьф кизоста.
Сире Шайгав аймаконь Сире Теризморга велеса колмоцеда ётафтови «Велень вайгяльхть» народнай моронь фестивальсь. Сон лемтьф содаф мокшень композиторти, искусствань заслуженнай деятельти, Великай Отечественнай войнань участникти Георгий Иванович Сураев-Королёвонди. Кизоста-кизос фестивальсь кочкси вийхть, келемкшни. Кда васенце кизоть Сире Теризморгав сашендсть 8 райоттнень эзда фольклорнай коллектифт. Тядде сценать лангса морасть 16 аймаконь самодеятельнай артисттне. Кайгсть кунардонь моротне, конатненди обработкат тиендсь композиторсь Георгий Сураев-Королёв. И мезсь кеняртьфти, фестивальса няфтезь маштомашиснон эрзянь райоттнень эзда коллектифне. Тя максси кемама, што «Велень вайгяльхть» фестивальсь кармай ламос эряма.