Таштамковонь 7-8-це читнестэ Московсо, «Россия» Раськень куншкакуросо, юты тетянь-авань комитетэнь весе Россиянь II-це инекужось (эрзя)
Сон вейсэндясынзе 600 участниктнень масторонь 89 регионтнэстэ, истя жо Абхазиянь ды Южной Осетиянь представительтнень. Инекужонть анокстыцятне-ютавтыцятне Россиянь Федерациянь просвещениянь Министерствась, «Знание» Россиянь вейсэндявксось ды Росдетцентрась.
Инекужосонть важодить школань, эйдень кужонь, колледжень, техникумонь ды училищань тетятнень-аватнень комитеттнэнь представительтне, региононь ды муниципальной тетятнень-аватнень комитеттнэнь прявттнэ, весе Россиянь тетятнень-аватнень комитетэв совицятне, истя жо специалисттнэ, конат важодить тетятнень-аватнень марто.
Мордовиянть невтьсызь 8 делегатт. Инекужось карми Россиясо тетятнень-аватнень вейсэндявксонть седе тов виевгавтомадо, семиянть, тонавтомань организациятнень ды государстванть вейсэнь важодеманть кемекстамодо кортамонь таркакс. Прявт ванновт ало – тетятнень-аватнень комитеттнэнь важодемантень вейкине ёнкстнэнь кемекстамось, ёроков тетятнень-аватнень компетенцияст кастомась, региононь вадря практикатнесэ полавтомась ды эйкакштнень тонавтомань ды трямонь кевкстематнесэ кудораськетнень путовксонть келейгавтомась.
Тетятнень-аватнень комитеттнэнь весе Россиянь I-це инекужось ютась Московсо 2025-це иень сундерьковсто ды вейсэндинзе Россиянь 89 регионтнэнь 600 представительтнень. Самай васенце инекужонь цётамотнень коряс тешкстазельть тетятнень-аватнень комитеттнэнь системань седе тов виевгавтомань прявт ёнкстнэ.
Ледстясынек, «Знание» Россиянь вейсэндявксонь тетятнень-аватнень вейсэндявкстнэнь ушодкстнэнь пелькстамонь колмоце сезонсонть грантонь ярмактне малав 10 миллионт целковойтнень покшолмасо лездыть совавтомс эрямос Мордовия Республикань 15 проекттнэнь-изницятнень.