СВО-нь ветарнтнэнень лезэ тонавтнемасо (эрзя)

Максим Царев специальной военной операциянь ветеранось теевсь Плехановонь лемсэ университетэнь студентэкс. Спецоперациясо ульнесь 2022-це иень даволковонь 24-це чистэ саезь. Топавтсь тюремань кармавтомат Харьковонь ёнкссонть, ульнесь границянь таркасо отделениянь командирэкс. Теде башка пачтякшнось лезэ эрицятненень. Казезь «За отличия в воинской службе» медальсэ.
«Масторонь ванстыцят» фондонь региононь филиалонь кирдеманзо вельде Максим покш мель яви од ломантнень масторонтень вечкемань кастомасо, ашти «Знание» вейсэндявксонь лекторокс. Икелев молемась лездась ванстыцянтень теевемс «Росмолодежь» федеральной агентстванть пельде «Твой герой» федеральной патриотической теварсевксэнь участникекс. Аволь умок СВО-нь ветеранонь квотанть лувсо арась поладомань тонавтомас Плеханов лемсэ Московонь университетс, косо юты анокстамонть «Педагогическая деятельность в сфере дополнительного образования» специальностенть коряс. Тонавтомась поладови зярыя ковонь перть, мезде мейле Максимнень максови квалификациянь кемекстамодо диплом. Максозь содамочитнень сон нолдасы тевс од ломантнень марто важодемасонть.
«СВО-нь ветерантнэнь икеле панжовить ламо икелев молиця кить. Ды мон ёвтан сюкпря тень кис государствантень ды фондонтень! Трямс масторонь вечкицят – те прявт тев, конань топавтомас миненек максовить весе эрявикс кедьёнкстнэ», — ёвтась Максим Царев.