Сузгарье велесэ одкстомтовсь школась (эрзя)
Педе-пев витнемадонть мейле сон васты валдо коридортнэсэ, од отделкасо ды вадря класстнэсэ. Интерьертнэнь мазылгавтомасо чачсть раськень ёнкст, конат сюлмить неень шкань тарканть мокшонь веленть историянзо ды культуранзо марто. Потсо весемесь одкстомтозь: вадря туворт-эземть, неень шкань оборудования, ниле нупальтнесэ интерактивной панельть, конат лездыть теемс тонавкстнэнь седе неявиксэкс ды мельстуицякс. Тедеде парта экшс озыть 70 ламо эйкакшт – ней сынст улить весе условияст, штобу тонавтнемс мельспаросо. Проектэнть коряс арсезельть полавтомат ансяк зданиясонть, ансяк буень прявтонть Александр Юткинэнь ушодксонзо коряс вадрялгавтозь-мазылгавтозь маласо таркаськак.