Содамочи.Лектор весе Россиянь пелькстамось (эрзя)
Содамочи.Лектор весе Россиянь пелькстамось пурнась 19 610 яволявтомат масторонок весе регионтнэстэ. Покштнэнь ды студентнэнь ютксто 1 500 лектортнэ пелькстыть региононь эскелькссэ, кона юты умарьковонь 20-це чистэ саезь сундерьковонь 14-це чис. Пелькстыцятне ютавтыть авторонь лекцият эсест регионтнэсэ «Знание» Вейсэндявксонь таркань филиалтнэнь лезксэст вельде ды эксперттнэнь марто ютыть онлайн-карадо-каршо кортнемат. Пелькстамонтень явсть мель республикань 178 тонавтыцят – масторонть келес те 36-це таркась.
Мордовиясто пелькстыцятнень ютксо сех сеедьстэ вастневиця тематне — те «Педагогикась, тонавтомась ды превспутомась», «Историясь ды историянь ледстнемань ванстомась» ды «Культурась ды искусствась». Алексей Ляманов, ломань икеле кортамонь коряс анокстыцясь, тонавты Саранонь кооперативень институтсо ды изнявкс марто ютавтни мастер-класст, эрьва кодамо кунсолыця икеле прянь невтезь: школасо тонавтницятнень эйстэ саезь министратнень видьс. Темниковань велень хозяйствань колледжень Александр Гагарин тонавтницясь, мельс туемачи марто ёвтни откерьксчинть лангс нежедезь историянь ледстнемань ванстомадо. Полина Домнина, фигурной артнемань коряс спортонь мастерэнь лемс кандидатось, ламо мель яви од ломанень политикань кастомантень, топавты «InterSkate» теварсевксэнть, кона лезды каямс кельтнень ды культуратнень ютксо пирявксонть региононь эрицятнень ды омбо масторонь тонавтницятнень ютксо.
«Минь ваннынек яволявтоматнень ды ливтинек прявтонть. Лектортнэ аволь стяко явовить содамочисэ, кемекстыть сынст эсест невтевкссэ. Истя, «Кудораськень питнечитне» теманть коряс яволявтыцятне – чачсть ламо эйкакшонь кудораськесэ или сынсь ламо эйкакшонь триця тетят-ават. Сынь явить питнечитнесэ, конат улить сынст кудораськетнесэ: вечкема, кемема, видечи, вейс пурнавома, кирдема. Минь арсетяно, истямо терявтомась явияк «Знание» Вейсэндявксонь лектортнэнь, лезды сыненст кунсолыцятнень туртов теевемс ломань коряс икелев молицякс», — ёвтась Максим Древаль «Знание» Россиянь вейсэндявксонь генеральной прявтось.
Пелькстыцятнень эрьва кодамо демографияст: те 14 иестэ саезь 75 иес ломанть малав 2 тёжат эрямонь таркат, ютксост велеть ды тёжас эриця марто велинеть. Сынь невтить эрьва кодат профессият, ютксост чуросто вастневицят: футуролог, Арктикань ванныця-тонавтниця, Го ёрокчинь налксемань коряс спортонь мастер, арахнолог, пичксемань кудонь клоун, физик-экспериментатор, музыкань инструментэнь мастер-настройщик ды лият. Эрьва кодат дисциплинань тонавтницятнень вейсэндизе «Историясь ды историянь ледстнемань ванстома» тематикась. Историянь коряс эсест лекцияст анокстасть рузонь ды англань кельтнень коряс, обществознаниянь, биологиянь, химиянь, физикань, асторономиянь тонавтыцятне.
Масторонь историянь прявт тематнеде башка пелькстыцятне ёвтнить региононь ракшань шумбрачинь ванстомань, пандонь тевень, казачествань, церьковань правань, Россиянь зыянтомочинь службатнень историядо, Ине Отечествань войнань шкасто кинологонь службань важодемадо. Ламо шкинев содыйть анокт кортамс «Наука ды технологият» тематиканть коряс. Теориянь коряс эрявикс анокстамонть пелькстыцятне ютыть Знание.Академия онлайн-платформасо. Покштнэнь ды студентнэнь ютксо 70 изницятненень казить 250 тёжат целковойть эсест содавтомань контентэнь икелев шаштомас. Пелькстыцятненень истяжо казевить кирдицятнень пельде казнеть, «Другое Дело» сервисэнть пельде тевень топавтоманть кис. Рейтингесь максови специальной лидербордтнэсэ.