«Сияжар» редакциянтень 25 иеть! (ЭРЗЯ)
Раськень редакциясь 25 иень перть эрьва ёндо невти мокшэрзянь культуранть виевгавтоманзо, келенть ды культуранть ванстома китнень. Ютазь иень чадыковсто саезь «Сияжар» редакциясь ушодсь важодеме од лувсо. Ламо од ды мельстуиця невтеви минек ваныцятненень. Мордовиянь эрицятненень невттяно сюжет финнэнь-угрань регионтнэстэ. Ояксчинь сюлмот теевсть «Финно-угорский мир» тележурналонь редакциянть марто. Национальной вещаниянь отделэнь журналисттнэ сеедьстэ якить республикань районтнэс, косо эрить эрзят, мокшот, вастневить тиринь келень ды культурань содыцятнень марто. Тематикань передачатнень анокстамсто седе покш мель явови раськень-конфессиянь кевкстематненень, эрьва кодат культуратнень вейсэндямонтень, патриотизмантень. Ёвтатано поздоровт коллеганок туртов, арсетяно шумбрачи. Кадык свал сатыть вийть од ды домка передачань анокстамс!