«Шумбрачинь ванстома» раськень теварсевксэнть лувсо тевтнеде (эрзя)
Мордовиясо «Шумбрачинь ванстома» раськень теварсевксэнть лувсо кастови медико-санитарной васенце лезксэнь максомань системась. Сонзэ эйс сови ормань профилактикась, ванномась ды шумбрачинь витемась, истяжо шумбрачинть мельга ванномась ды эрицятненень санитарной гигиенадо ёвтнемась. Республикань велетнесэ важодить фельдшерэнь таркат ды шумбрачинь ванстомань амбулаторият. Васоло аштиця велетнес сакшныть модицинань мобильной комплекст. Эрицятненень мереви ютавтомс профилактикань ванномат ды диспансеризация. Поладови пациентнэнь праваст кастомань лувонь теемась.
Теде башка, поликлиникатне ды поликлиникань пелькстнэ совавтызь шумбрачинь ванстомасо ванстыця технологиянь вейкетьстэ тееманть. Республиканть келес поладови шумбрачинь ванстомань васенце звенань паролгавтомась – теевить паро условит кода сэредицятненень, истя шумбрачинь ванстыцятнененьгак. Теварсевксэнть лувсо Мордовиясо важоди санитарной авиация. Иень ушодовомсто саезь теезельть 43 ливтямот. Васоло аштиця эрямо таркасто сэредицятне пачтявить Саранонь пичксема кудотнес. Сынст эйстэ покш пельксэнтень эрявить теемс пек курокстонь операцият. Тешкстысынек, республикасо важоди медико-санитарной васенце лезксэнь максомань Региононь куншкакуро.