Саранскойсэ ютась верень максомань коряс координационной центрань промкс. (В Саранске состоялось заседание координационного центра по донорству крови) ЭРЗЯ
Алтазель сон регионсонок эсь олясо доноронь тевень топавтомантень. 2013-це иестэ верень переливаниянь станциясь Россиянь келес кармась васенцекс доноронь тевень кастомань коряс. Нама, весе неть топавтовкстнэ а улевельть, бути а улевель лезкс ды чарькодема Республикань прявтнэнь ды весе эрицятнень пельде. Кортамонть донорствадо те вастовомасо ушодызе РФ-нь здравоохранениянь министерстванть пингстэ Общественной Советэнь комиссиянь прявтонь полавтыця Елена Стефанюк. Сон тешкстызе, кодамо покш робота тень коряс тееви минек республикасо. Республиканской верень переливаниянь станциядо зярыя валт ёвтась главной врачось Ольга Македонская. Течинь чис республикасонок лововить 4700 почётной донорт, а те лементь кантнить сеть, кие максызе веренть ниленьгемень раз ды седе ламо. Станциянь важодицятне теить весе, штобу донортнэ неень верень максома шкасто парсте марявлизь пряст.
Эряви тешкстамс станциянь важодицятне покш робота ветить од ломантнень марто. Тень кисэ школасо тонавтницятнень туртов ловновить лекцият. Ламо лезэ кандыть волонтертнэ. Республикань высшей ды средне-специальной учебной заведениятнень марто те важодемась моли свал. Сыця донортнэнь марто роботась ветяви аволь ансяк лекция вельде. Неень шкане вешить, штобу социальной сетьнесэ, косо седе сеедьстэ эрситькак од ломантне, улевельть истят группат. Сынь улитькак. Эряви тешкстамс, што зярыя иень перть тесэ ловновить лекцият ординатурасо тонавтницятненень туртов. Верень максомань тевень пропаганданть кисэ РФ-нь Общественной Паланть пельде тешкстазель «Мордовия» телерадиокомпаниянь прявтось Наталия Грановская.