Саранскойсэ ютась тиринь ды рузонь келень тонавтыцятнень Весе Россиянь пелькстамонь кочкамонь этап (В Саранске завершился этап Всероссийского мастер-класса учителей родного и русского языков) ЭРЗЯ
Весемезэ Мордовиянть пельде те пелькстамос максозельть 15 заявкат. Теке марто яволявтомань шкась ещё эзь прядово. Пелькстамонть ютавтыть 2004-це иестэ саезь ды весе те шканть перть Мордовиянь тонавтыцятне невтить пряст тосо пек парсте. Те иестэ мастер-класстнэ ютасть Саранск ошонь 7-це лицейсэ. Кавто чинь перть тиринь келень тонавтыцятне невтизь эсест маштомачист уроконь ютавтомасо. Тезэнь пурнавсть васняяк сетне, кие лиссь финалс «Учитель года» ды «Лучший учитель родного языка» пелькстамотнесэ. Кочкамонь этаптне ютавтовить РФ-нь аволь весе субъектнэсэ. Ансяк сех мелень явиця регионтнэнень-участниктненень мереви сынст ютавтомс. Мастер-классто башка, кочкамонь этамонь рамкатнесэ ютавтовсть талновтыця кевкстематнень коряс кругловой столь экшсэ вастовомат. Эряви меремс, те пелькстамосо минек региононь тонавтыцятне уже лиснесть изницякс. 2009-це иестэ Саранск ошонь 19-це гимназиянь эрзянь келень тонавтыцянтень Зинаида Тикшаеванень максозель гран-прись.