Саранск ошсо ютась республикань судебной приставонь службань Упавлениянь пингстэ роботыця Общественной советэнь те иень васенце заседаниясь. (ЭРЗЯ)
Советс совицятне тейть цетамот ютазь иентень ды яволявтызь 17-це иестэ тевтеематнень. Советэсь Судебной приставонь службань Управлениянть пингстэ роботы колмоце ие. Те шканть перть сон парсте топавты весе кармавтоматнень ды сонзэ путовксозо Управлениянть роботасо а онктавикс: общественной советс совицятне явить мель социальной тевтненень, анокстыть коррупциянь кардамга мероприятият, мик эсест сотрудниктнень ютксояк. Управлениянть икеле прявт путовкстнэстэ вейкесь — ломантнень пшкадемаст марто роботамось. Молиця иестэнть тенень явови седеяк покш мель, саемга арсеви якамс велетнес ды таркасо ванкшномс тосонь эрицятнень талновтыця кевкстемаст. Тень кармить топавтомо Управлениянь прявттнэ ды общественной советэсь вейсэ. Общественной советэнь прявтось Александр Петрушин тешкстась: те практикась седе куроксто лезды ванкшномс весе кевкстематнень. «Мордовия» ГТРК-нь прявтось, Советэнь прявтонь полавтыцясь Наталия Грановская кемевтсь – минек телерадиокомпаниясь седе товгак поладсы службанть марто вейсэнь важодеманть ды карми евтнеме весе тевтеевкстнэде, конат сюлмавозь судебной приставтнень ды Общественной советэнть марто.