Республикань кудосо кортасть Саранонь 9-це школань кавто корпустнэнь стявтомадонть (эрзя)
Промксонть ютавтызе Артём Здунов. Школань эрьва корпусось карми важодеме башка лувсо. Васенце эскельксэсь: стявтомс ветесядт таркас кудо Московской ды Республиканской куротнень киулосо. Ниле кепедьксэнь зданиясонть тонавтнемань нупальтнеде башка арсеви ярсамо тарка, спортонь покш ды вишка залт, актовой нупаль. Школанть маласо кармить волейболсо ды баскетболсо налксемань таркат, чиемань ки. Саранонь юго-западонь ёнкссо 800 таркас корпуссонть истя жо кармить весе эрявикс нупальтне. Теке марто, бажить стявтомс гимнастикань, аэробикань ды хореографиянь нупальть. Мордовиянь Прявтонтень пачтясть, кода ютавтови школань корпустнэнь проектэнь анокстамонь коряс важодемась. Неень шкас сон топавтовсь 55 — 60 процентс, сядос топавтови сундерьковонь 4-це чис. Стявтомань важодематне ушодовить сы иестэ.