Раськеютконь авиарейсэсь сюлмасы Саранонть ды Анталиянть (эрзя)

Сарансо панжовсь коштка ливтнемань раськеютконь терминал. Ней Саранонть ды Анталиянть вейсэнди виде авиарейс. Раськеютконь терминалось стявтозь Мордовиянь прявтошсо 18-це иень пильгеоскань коряс масторлангонь чемпионатонтень. Ней сон, границянь ванномань вейсэндявксонь вешематнень кирдемга, одкстомтовсь.
Одкстомтомас путозь малав 500 миллионт целковойть Саранонь аэропортонь кирдицянть пельде ды малав зняро жо максозь федеральной бюджетстэнть. Ней терминалось важоди стандарттнэнь кирдезь. Учомань нупаленть эзга кемекстамонь таркас. Терминалсонть анокстазь паспортонь ванномань 7 кабинат — нилетне самос, колмотне — туемас. Часонь перть тия ютавить 140 ломанть. Ливтнема лувось анок. Раськеюткнь рейстнэ учовить панжиковонь 28-це чистэ саезь ожоковонь 23-це чис. Усксицясь путсь Саранонь аэропортонть ды Анталиянть ютксо маршрутс «Суперджет 100» менельвенч. Саранонь раськеютконь терминалонть пек паро икеле кизэ. Ней жо Турциянть марто сюлмавоматне кирдевить вейксэ чис весть. Мордовиясь арси ютавтомс эсензэ лангс шабра регионтнэстэ туристэнь пельксэнть. Иень перть важодемань топавтомантень, терминалонтень эряви панжомс од кить — саемга Египтэв. Ней Саранонь малав весе турагентстватнень пельде максови Турциясо 10 чис турт. Вешемань «пси шкась» учови умарьковсто. Сарансто ливтямось — 2 чассто 45 минутасто веть понедельникстэ саезь пецяс эли 4 чассто 35 минутасто оймсема читнестэ. Коштсонть ливтямонь шкась — 4 пель марто част.