Раськень теварсевкстнэ тевсэ (эрзя)
Россиянь Президентэнть кармавтомга, Мордовиясо раськень теварсевкстнэнь тевс нолдамось. Сурвелень моделень ловнома кудось терди тиринь велес туристтнэнь.
«Культура» раськень теварсевксэнть вельде панжозь моделень ловнома кудось, лезды кастомс Мордовиянь Кочкурбуесэнть туризманть. 2022-це иестэ Сурвелесэ ушодызе важодеманзо «Сурские мотивы» Travel-ловнома кудось. Теварсевксэнь прявт ёнксокс теевсь таркань туристэнь кекшезь виенть кастомась. Мелесь ашти ютко шкань ютавтоманть таркань историянть ды культуранть марто содавтоманть марто вейсэндямосо. Ловномань кудосо пурназь велень ледстнемань тевтнеде, ёвкстнэде, фольклордонть, истяжо ломантнеде, конатнень Сурвелесэ ледстнить ды арнить виев материал. Саемга, Александра Петровна Лавровская тонавтыцясь. Сон ламо иень перть важодсь таркань школасо ды Сурвелень ловнома кудонь теемантень виень путыця. Сыцятненень неень шкань обрудования вельде невтить тонавтыцядо документальной фильма.
Одкстомтомадо мейле ловнома кудонь тарканть явизь зярыя нупальтнева, конань эйстэ вейкесь сюлмави краеведениянть марто ды лемдеви «Присурская деревня». Тесэ невтевиця кедьёнкстнэнь пурнамо лездасть велень эрицятне, секскак Сурвелень эрицятнень туртов сынь кандыть башка питнечи. «Живые ремёсла» шкинемань панжадо мастерскойсэ Наталья Бигачёва кедьчелькев авась ютавты мастер-класст, тонавты илевсто кодамо кептереть, кшипаргот, кедьгеть ды сувенирэнь эрьва кодат теевкст. «Ёвксонь илев» краеведениянь теварсевксэнть лувсо Наталья тонавты те шкинемантень од ломантнень. Ловнома кудонь важодицятне ванстыть культурань тевкадовксонть ды койтнень, явить мель тиринь велень краеведениянтень ды тень марто кастыть велень туризманть.