Поладомань тонавтомадо (эрзя)
Мордовиясо поладомань тонавтомань лувось лезды школасо тонавтницятненень седеяк парсте панжомс кекшезь виенть, шкинематнень ды содавтовомс профессиянь кочкамосо эрьва кодат ёнкстнэнь марто. «Тонавтома» раськень теварсевксэнть лувсо Мордовиясо панжовить питневтеме куншкакурот ды секцият, конатненень мель явить 5 иестэ саезь 18 иес школасо 70 тёжадо ламо тонавтницят. Истя, «Неень шкань школа» региононь теварсевксэнть лувсо велень тонавтнемань таркатнесэ панжовить «Точки роста» куншакуротне. Сынь лездыть эйкакштненень содавтовомс неень шкань технологиятнень марто ды варчамс виенть лия ёнов а молиця профессиятнесэ. Республикань вишка эрицятненень течи ютавицят истят 159 куншкакурот. 2024-це иестэ эсест кенкшест панжсызь ещё 39 «Точки роста» куншкакуротне.
Мордовиясо панжовить «Кванториум» эйкакшонь технопаркт. Поладомань тонавтомань те форматось лади 10 иестэ саезь 18 иес школасо тонавтницятненень, сыненст тонавтомась максови 14 лувтнева. Лазерэнь неень шкань технологият, программирования, 3D-моделирования – те ансяк пелькс сень эйстэ, мезе анокстасть эйкаштненень технопарктне. Республикасо уш важодить 2 стационаронь, 2 мобильной ды 2 школань эйкакшонь технопаркт.
Сыненст поладомга те иестэ панжовить ещё 3 – 35-це, 39-це школатнень ды Луховкань лицеенть лувсо.
Республикань эйкакшонь поладомань тонавтомань куншкакуронть лувсо важоди цифрань тонавтомань «IT-клуб» куншкакуро. Тосо 7-18 иесэ эйдетне содавтовить программированиянть, мобильной устройстватнень туртов приложениянь анокстамонть марто, тонавтнить роботонь программированиянтень. Сон пештязь неень шкань оборудованиясо, превспутыцятне нолдыть тевс тонавтомань неень шкань лия ёнов а молиця китнень-янтнэнь.
*Кинь-транспортонь томбавомань кардамонь коряс «Лаборатория безопасности» интерактивень тарка марто куншкакуро. Тонавкстнэсэ школасо тонавтницятне ветицянь таркасо кемекстыть автотренажерсо, электромобильтнесэ ды велосипедтнэсэ ветямонь койтнень. Ванновить шабатнень ялго ютыцятнень содамочитне.
*Эйкакшонь-од ломанень туризмань куншкакуро, косо эйкакштне тонавтнить спортонь-туристэнь-дистанциятнень ютамонь ёрокчитнес. Куншкакуронть лувсо анокставить спортонь туризмань ды «Дистанция» дисциплинань коряс пелькстамотне.
Поладомань тонавтомань ещё вейке куншкакуро пурназь Мордовиянь госуниверситетэнть лувсо. Е.М. Дианов лемсэ наукань коллаборациянь кудосо эйкакштненень максови наукасо топавтоматнень алкуксонь содыйтнень марто важодемань ёрокчи.
Республикань поладомань тонавтомань лувонь прявт таркасо ашти эйкакшонь ды од ломанень ёрокчинь ды шкинемань ливтемань, кирдемань региононь «Мира» куншкакурось.
Республикань муниципальной весе образованиятнесэ тонавтомань 92 эрьва кодамо лувонь организациятнесэ од оборудованиясо поладозь эйкакшонь поладомань тонавтомань эрьва кодамо лувтнень коряс малав 19 тёжат од таркат.
Тедеде панжовить ещё малав 5 тёжат таркат поладомань тонавтомань прявт лувтнень коряс: школань театрат, медиа клубт, спортонь клубт, школань музейть, школань хорт.