«Пачань ши» фестивальсь (мокша)
Атерень аймакса ломаттне кородозь ванфнесазь и виияфнесазь национальнай койхнень. Кепотьксонди, эрь кизоня тяса ётафневи «Пачань ши» фестивальсь. Тя ся илась, коса ули кода сяда маласта содамс мокшень и эрзянь народть эсь лацонь культуранц колга. Мордовиянь эряйхнень шра лангса пачатне — инь эрявикс и танцти каванямась. Атерень аймакса эрь азоравась максси эсь лацонь, сире рецептт, конат састь кунардонь пинкнень эзда. Мокшень пачатне, пяк лац содаф «поза» симомбяльсь, а тяфта жа лама лия эрь кодама танцти ярхцамбяльхнень варчсезь фестивалень инжихне. Кеняртьфнезень сембонь и мялень салай программась. Артисттне морсесть мокшень и рузонь морот. Ётафтовсть мастер-класст. Кой-кие няфнезе виенц спортонь пялькстоматнень эса, а лиятнень салазень мяльснон эсь кядьса тиф паршись. Илать азоронза корхтайхть, што пачань шись — тя ся илатнень эзда фкясь, коса марнек панчсеви мокшэрзянь ваймось. Тяса ванфневи кунардонь козя культурась и ломаттне ялгакстыхть фкя-фкянь мархта. Тястонь ансамбльхне, машты кядь ломаттне, конат лама веконьберьф кандсазь эсь народснон койснон, кеподезь мяльснон саф инжихнень.