«Ошень эряма васттнень цебярьгофтомасна» проектсь (мокша)
Саранск ошень Октябрьскяй районца строительхне тиезь общественнай васттнень петемаса и мазептемаса тефнень пяледа ламоснон. Пяшкотьфт арьсф тефнень 52 процентсна. Ушедовсть площадкатнень тиемасна. Гожувскяй куроса няевихть ни сай пингонь тематическяй площадкатне. Строительхне вятихть тефт ся васттнень эса, коса кармайхть налхксема иттне. Петемась вятеви «Ошень эряма васттнень цебярьгофтомасна» проектть коряс. Ётай кизоть тя площадкать одкстоптоманц инкса вайгяльснон максозь 17 тёжяньда лама эряй. Строительхне аделсесазь бордюрхнень путнемаснон и кевса ацамать, сяда тов кярьмодихть асфальтса вельхтямати и брусчаткати. Ваймама вастсь саты сембонди: и оцюфненди, и ёмлатненди. Тиевихть вастт сятненди, кие кельгсы спортть. Гожувскяй куроса площадсь 11 васттнень эзда фкясь, кона петеви Мордовияса тядде. Тяда башка, одкстоптовихть 8 кудонь перьфт. Марнек 18 ошень васттне арайхть пяк мазыкс.